ABOUT US

WHO WE ARE

Bangalore Mizo Christian Fellowship (BMCF) - "The Bangalore Mizo Church" hi Bangalore Mizote tan kan hnam mil leh keimahni ṭawng ngei a Pathian kan biak hona huapzo Kohhran ni turin kum 1975 khan din a ni a, Bangalore Mizote ṭhuikhawmtu Pâwl/Kohhran ding hmasa bêr a ni.

HOW IT STARTED

Bangalore khawpuia Mizo awm hmasa te chuan Mizo kan nihna leh Krista ringtu kan nihna chawi nungin, kan pipute inpumkhatna thu hlu, “Dam leh tlang khatah, thih leh ruam khatah” an lo tih ang khan tlang khata khawsa a, Pathian chibai bukho turin Denomination leh Hnam bil indaidanna an ṭhiat a, min ṭhenhrang theitu aiin min tipumkhattu an chawisang a, hmun khatah Pathian be ho turin bul an lo ṭan a ni.

HOW WE EVOLVE

Bangalore a Mizo tute pawh, Mizo inpumkhatna leh Krista ringtu nihna vawng nungtute kalkhawmna chu BMCF a ni ta zel a ni. Karnataka Society Registration Act 1980 hnuaiah kum 1993 khan in ziahluh a ni a, sawrkar dãn zawmin rawngbâwlna leh khawtlang tana ṭangkai theihna apiangah hma a la ṭhîn.

HOW WE CONNECT

Heng bakah hian rawngbâwlna pawimawh tak tak, Kohhran leh Pâwl dangte nena thawhhona a kalpui bawk. Kohhran Committee hnuaiah hunpum rawngbawltu Chaplain a awm a, tin Committee peng hrang sawm panga (15) leh Area Committee panga (5) an awm bawk.

HOW WE WORSHIP

Pathianni Inkhâwm (Sunday Worship Service) puitling leh naupang tan, Chawlhkar Inkhâwm (Weekdays Fellowship), Annual Gospel Camping/Retreat leh adangte hmangin memberte tan Pathian biakna hun pawimawh a siam ṭhîn.

Kohhran Thiltumte

1. Pathianni-a Pathian Biak inkhâwm buatsaih.

2. Kristaa nunthar nei türa mite hruai.

3. Hun puma Pathian rawngbâwl türa infuih.

4. Member tinte theihna leh thiamna Pathian tana buatsaih leh inhmantir.

5. Kristian nun dãn ṭha leh awm dãn mawi lantir leh zirtîr.

6. Hnam, chi leh sakhua thliar lova tanpui ngaite tanpui.

7. Ram leh hnam tana rinawm tür leh ṭangkai türa infuih.

8. Chanchin ṭha la hre lote hnena rawngbâwl.

9. A tul dãn ang zêla Kohhran leh Pâwl thawhpui.

10. BMCF hmalakna leh rawngbâwlna atana project siam leh tihhlawhtlin.

Kohhran Hruaitute

Office Bearers

Kohhran hruaitute chu - Office Bearers (Chairman, Vice Chairman, Secretary, Assistant Secretary, Treasurer & Finance Secretary), Chaplain leh Kohhran Committee member te an ni.