Koinonia Editorial - June 23

Bangalore Mizo Christian Fellowship hi Bangalore a awm, Zo hnahthlak Kristian ten kan hnam nunphung mila Pathian kan biak ho theihna te, inpawlna thianghlim leh Pathian rawng kan bawl ho theihna tur atan July 27, 1975 khan din a ni. Pathian hruaina leh awmna zarah BMCF chuan kum 48 na kan lo chuangkai ve ta reng mai. August 21, 1993-ah Karnataka Socities Registration Act 1960(Regd. No. 427/93-94) hnuaiah registered a ni. BMCF hian a huam zau em em mai a, Zo hnahthlak kristiante mai bakah hnamdang pawh a duh apiang tan BMCF Member ah hian tel theih a ni. Bangalore a mizo awmte chhiat tawh a min tuam hlawmtu, thatni a min lawmpuitu a ni a. Kohhran thurin hrang hrang neite indaidanna thiata Pathian hming avanga huang khata kan luanza ho theihna tur atan, kan hruaitu hmasate kaltlangin Pathian in Bangalore leh a chhehvela zo hnahthlak awmte tan BMCF a din kan ti lo theilo a ni. Mi tamtak phei chuan “BMCF hi vanram tlafual a ni” anti fo thin. Kohhran leh pawl engmah pawh sawi lova, huang khata kan luan za ho theihna leh Pathian hminga kan inpawl ho theihna hmun hi hmundangah pawh a vang hle a, Bangalore ah ngei pawh BMCF bak hi chu a awm lo a ni. Hetiang taka zofa ten Pathian kan fak ho theihna tur hmun tha min buatsaih sak hi, hmufiaha, hrethiama, Pathian hnena lawmthu sawitur kan ni. BMCF hre tawh tu leh Bangalore lama lo kalte hnena hetiang taka zofa ten lungruala Pathian kan fak ho theihna hmun leh huntha awm hi hrilhhre tu leh Pathian chanchintha kan puan ve theihna kawng khat a ni tih I hre theuh ag u.