BMCF Member-te chibai bukna - V. Lalrobuanga (Chaplain)

A hmasa in BMCF Kohhran member zawng zawngte Lal Isua Krista hmingin chibai ka buk a che u. Ka hming chu V. Lalrobuanga a ni a, Buanga tih hian min au mai thin a, Mualthuam North, Lunglei District, khuaa piang leh seilian ka ni a. BCM Mualthuam North kohhran a lawi ka ni. Kan chhungkaw member hi paruk niin, Ka pa hming chu Upa V. Challawma a ni a kan khaw High School ah hian WE Teacher hna a thawk ve mek a ni, ka nu hming chu Pi. H. Zopari a ni. Unau pali zinga a milai niin nau mipa pakhat leh u hmeichhia pahnih neiin tunah chuan pasal annei ve ve tawh a, tichuan chhungkaw member pali kanla cheng ve a, Pathian zarah kan la dam kim vek a ni.

Zirna lamah hian Lunglei leh Aizawl lamahte school leh college te kal chho ve in mahni khaw lama TKP leh khawtlangah zirna avang hian ka inhman loh phah em em a, han haw chang hi chuan theih ang tawk hi chuan ka tel ve thin a, tin TKP leh YMA lamah hian nihna leh chanvo chelh hi ka la nei lo a ni. Kum 2013 ah Higher And Technical Institute of Mizoram (HATIM) Lunglei ah B.Com zir turin ka inziak lut ve a, kum 2017 ah ka graduate ve a, tichuan mahni nih tum lamte pan ve zel in hun ka hmang chho ve zel a. 2019 kum hian ka Pa kaltlangin Pathian kohna ka dawng ve ta a. Tichuan kum 2019 atang BD ka zir ve tan ta a. Ka zir chhung hian Pathian hruaina leh malsawmna ka dawng nasa em em a ni. Pathian vang chauhin kumin 2023 April thla khan BD chu ka lo zir zo ve ta a ni.

April ni 17th 2023, khan BMCF ah Chaplain hna ruak anih thu kha ka hriat ve leh ka lo ngaihven ve ta nghal a, tichuan tihtur tul ang ang te tiin. Pathian zarah kan puipa leh hruaitu te kaltlangin ka dilna tlawmte tlinga min pawmsak ve hi Pathian remruat a ni tih hriain he rawngbawl hna hi thawk turin theih tawp chhuah ka tum tlat bawk ang. Ka thil tum ber chu damchhung a Pathian rawng bawl hi a ni.